Plantun de Prouvènço

Pèr coumpara dos planto d'encò nostre

Platanthera bifolia & Erica arborea

Platanthera bifolia

Orchidaceae

Noms en français : Orchis à deux feuilles, Platanthère à deux feuilles.

Descripcioun :
La doublo-fueio trachis souto lis éuse e li blacas, dins li prado umido e proche dis aigo. Es un Orchis di flour blanco que se recounèis majamen à si dos fueio sus la cambo (fotò). Isto uno meno proche, Orchis chlorantha, que ié sèmblo proun, mai espés, emé de flour mens blanco e lis antèro que s'escarton l'uno de l'autro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Platanthera
Famiho : Orchidaceae

Ordre : Aspargales

Coulour de la flour : Blanco
Petalo : irreguliero
Ø (o loungour) flour : 1,5 à 2,2 cm
Flourido : Printèms

Sòu : Ca (Si)
Autour basso e auto : 0 à 2200 m
Aparado : Vo
Mai à juliet

Liò : Prado umido - Bos - Palun
Estànci : Mesoumediterran à Subaupen
Couroulougi : Éurasiatico
Ref. sc. : Platanthera bifolia (L.) Rich., 1817

Brusc-mascle

Erica arborea

Ericaceae

Autre noum : Brugas-mascle.

Noms en français : Bruyère arborescente, Bruyère blanche.

Descripcioun :
Lou brusc-mascle trachis dins li terraire safrous, adounc majamen en Prouvènço séusouso. Aqui flouris d'ouro, tre lou mes de mars, e douno de poulìdi brout de flour blanco. Se destrìo dóu brusc-femèu que si ramo soun peludo e de si flour blanco sort l'estile pulèu long (subretout à la fin de la flourido).

Usanço :
Lou rizoumo, rouge e de mai d'un kg, douno un bos de qualita pèr la chaminèio e peréu pèr adouba de pipo. Li flour, proun sucrado, podon èstre manjado o boutado dins l'aigo pèr n'en faire de tisano astringènto. Lis estùdi d'aro mostron d'interessanto prouprieta anti-enflamativo e anti-óussidanto.

Port : Aubret
Taio : 1 à 4 m
Fueio : verticilado
Tipe bioulougico : Faneroufite
Cicle bioulougico : Planto renadivo

Gènre : Erica
Famiho : Ericaceae

Ordre : Ericales

Coulour de la flour : Verdo
Petalo : 4
Ø (o loungour) flour : 1,5 à 2 mm
Flourido : Printèms

Sòu : Si
Autour basso e auto : Pancaro entresigna
Aparado : Noun
Mars à abriéu

Liò : Terraire safrous - Champino - Garrigo
Estànci : Termoumediterran à Coulinen
Couroulougi : Mediterrano-Atlantico
Ref. sc. : Erica arborea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Platanthera bifolia & Erica arborea

Coumpara Doublo-fueio emé uno autro planto

Coumpara Brusc-mascle emé uno autro planto